• About

వివిన మూర్తి వెదుకులాట

~ సాహిత్యమూ జీవితమే

వివిన మూర్తి వెదుకులాట

Monthly Archives: మే 2013

చింతామణులూ, మధురవాణులూ పురుషుల కల్పనే

24 శుక్రవారం మే 2013

Posted by వివిన మూర్తి in పాత పత్రికలు

≈ వ్యాఖ్యానించండి

24 May 2013

97లో  కథానిలయం  ఏర్పడింది.  దీని గురించి సాహిత్యజీవులకి తెలుసనే నా భావన. దానిలో తెలుగు కథా సేకరణ నడుస్తోంది. అందులో పని కొంత నేను ఎత్తుకున్నాను.

ప్రస్తుతం ఆ పనిలో భాగంగా  కృష్ణాపత్రిక పరిశీలన చేస్తున్నాను. ఈ పత్రిక 1903లో ఏర్పడింది. తమిళులు, మళయాళీలు ఏర్పరచుకున్న ఆ కాలపు పత్రికలు ఇంకా నడుస్తున్నాయని వింటున్నాను. కాని తెలుగు భాషలో అపారమైన విజయం సాధించిన పత్రికలన్నీ చిత్రంగా కాలగర్భంలో కలిసిపోయాయి. దీనికి కారణాలు ఆలోచించాలి.

అదలావుంచి,

ఈ నా ప్రస్తుత పరిశీలనలో నన్ను అబ్బురపరచిన, నాకు ఆసక్తి కలిగించిన  కొన్ని సామాజిక విషయాలను నేను జాగ్రత్త చేస్తున్నాను. వాటిలో కొన్నింటిని కొంత పరిచయం చేస్తూ పాత పత్రికలు అనే కేటగిరీలో ఉంచుతాను. శ్రీపాద వారి వ్యాసం   1928 సమదర్శని  అనే పత్రికలోది ఇంతకు ముందే చేర్చాను. వీటిపై  సహ ఆలోచనాపరుల స్పందనను బట్టి కొనసాగిస్తాను.

కందుకూరి, గురజాడల కాలపు సాహిత్యం గమనిస్తే వేశ్యావృత్తి పట్ల ఆనాటి సమాజపు ఆలోచనలు మనం అర్ధం చేసుకోగలం. చాలాకాలంగా భారతదేశంలో విద్యతో, కళలతో సంబంధమున్న స్త్రీలు ఈ వేశ్యావృత్తిలోనే కనిపిస్తారు.  అంతేకాక ప్రాశ్చాత్యుల సామీప్యత కూడా  వీరికే తొలిగా లభించింది.  అయితే వీరి గొంతు చాలా తక్కువగా వినిపిస్తుంది. బెంగళూరు నాగరత్నమ్మ వంటి పేర్లు ఒకటీ అరా వినిపిస్తాయి. ఎందువల్ల?

చింతామణులూ, మధురవాణులూ పురుషుల చిత్రణే గదా!. అక్షరాస్యతకీ. ఏదోవిధమైన విద్యకీ అవకాశంగల ఈ మహిళలు ఏమీ మాటలాడలేదా?

ఈ ప్రశ్న కొంతకాలంగా నన్ను వెన్నాడుతోంది.

ఆ వెదుకులాటలో –

లభించిన వాటిలో ఇది ఒక లేఖ. ఇది 22 ఏప్రిల్ 1910 కృష్ణాపత్రికలో ప్రచురించబడింది.(blog 1)

దీన్ని పంచుకోండి:

  • Tweet
  • మరిన్ని

దీన్ని మెచ్చుకోండి:

ఇష్టం వస్తోంది…

ఇంటర్నెట్ గురించి తటపటలు

23 గురువారం మే 2013

Posted by వివిన మూర్తి in వివిన కబుర్లు

≈ వ్యాఖ్యానించండి

1997 జనవరిలో megatrends 2000 అన్న పుస్తకం చదివాను. రెండు దశాబ్దాల క్రితం వెలువడిన ఈ పుస్తకంలో కంప్యూటర్ నేర్వటం గురించి ఓ మాట అన్నట్టు గుర్తు. 85% వారంతటవారే నేరుస్తారట. అలా నేర్చిన వాళ్లలో నేనొకడిని. అప్పటినుంచి ఎంతోకొంత పరిచయమున్నా ఇంటర్నెట్ పాఠకుల(?) సాహిత్య సంవేదన హాబీ కిందకు వస్తుందన్న ఆలోచన నన్ను వెనక్కు లాగింది. ప్రస్తుత సాహిత్య వాతావరణం పట్ల ఆలోచనలు పంచుకునే స్నేహం కూడా ఎండిపోతోంది. వయసు కారణం కావచ్చు. సినిసిజమ్ కావచ్చు. ఒంటరితనంలోకి నేను జారిపోయినా నష్టం లేదు. కాని నాకున్నదనుకుంటున్న సామాజిక బాధ్యత ఏదో ఎప్పుడూ పొడుస్తూంది. అలాంటి ఓ గట్టి కుదుపులో ఓ చిట్టి ప్రయత్నంగా ఈ బ్లాగు మొదలించాను.

స్వయంగా నేరుస్తుండటం వల్ల కొంతకాలం కొన్ని అవకతవకలు తప్పవు గదా!

కాస్త ఓపిక సహ ఆలోచనాపరులనుంచి కోరుకుంటున్నాను.

ఆలోంచించవలసిన వాటికే ఈ బ్లాగు కేంద్రం కావాలన్న ఆశతో

వివిన

దీన్ని పంచుకోండి:

  • Tweet
  • మరిన్ని

దీన్ని మెచ్చుకోండి:

ఇష్టం వస్తోంది…

రామలక్ష్మి గురించి

23 గురువారం మే 2013

Posted by వివిన మూర్తి in వి రామలక్ష్మి రచనలు, వివిన రచనలు

≈ వ్యాఖ్యానించండి

ట్యాగులు

తెలుగు కథలు, వి. రామలక్ష్మి

పాపం! మంచావిడ. భార్య కదా- ఏదోలా అనబుద్దేస్తుంది. ఎప్పుడయిందంటే 1972 ఆగస్టు 12న. అప్పటికే నేను తిక్కలాడిని. కార్లో ఊరేగుతూ -నాకు మంత్ర, తంత్రాల బలం మీద కించిత్తైనా నమ్మకం లేదు. నిన్ను మీ నాన్న, అమ్మ, తమ్ముడు, చెల్లాయిల నుంచి విడదీస్తున్నాను. ఆ బంధాలన్నీ నేనే అవటానికి నా శాయశక్తులా పనిచేస్తాను. ఈ మాట ఇవ్వటమే పెళ్లి. – అంటూ చేతిలో చెయ్యేసాను. అలా మొదలయింది మా నడక.

అప్పటికే ఆవిడ రచనలు అచ్చయ్యాయి అధ్యయ్ అన్న హిందీ పత్రికలో. నేను రాసేను గాని నాకు తెలిసి అచ్చుకి పంపలేదు. హిందీ టీచర్ గా కొంతకాలం పనిచేసింది.

నడవటం మొదలెట్టాక కష్టాలు, సుఖాలు సహజం గదా! అప్పట్లో కష్టాలు చాలావరకూ ఆర్ధికం. ఆ చాలీచాలని వనరులని ఎంతవరకూ తొలికుటుంబానికి (మగవాని తలి్దండ్రులూ, తోడబుట్టిన వారితో కూడినది) ఎంతవరకూ కుటుంబానికి ( మగవాని బార్య, బిడ్డలు) అన్నదీ ఆనాటి ప్రధాన ధర్మసంకటం. కాక మానసిక ఆనందాలు వాటి ఖరీదులు. నాతో ఆవిడ ప్రత్యేక కష్టాలు రచనా సమయంలో నా మనోస్థితి, జీవితంలో ప్రయోగ తత్వాలు. అవి అనుకున్నంత సామాన్యమైనవిగావు. అనుభవైకవేద్యాలు.

అవి ఆమె అనుభవించిందా, ఆకళింపు చేసుకుందా, తన వ్యక్తిత్వ నిర్మాణంలో భాగం చేసుకుందా అన్నవి అర్ధవంతమైన ప్ర్రశ్నలు. వాటికి మూలకారకుడిగా నేను సమాధానం చెప్పటం ఉచితం కాదు. కాని నా అభిప్రాయమే చెప్పవలసివస్తే మేమిద్దరం ఒకరి నిర్మాణానికి ఒకరు తోడయాం.

92లో ఆవిడ కథలు రాయటం మొదలయింది. రావిశాస్త్రి గారి ఉపన్యాసం దానికి ప్రేరణ అంటుంది ఆమె. వీరబాహుడు అన్న ఆకథ ఆంధ్రజ్యోతిలో వచ్చింది. అది రావిశాస్త్ర్రి గారు పుట్టినరోజు సంబంధిత వ్యాసం వెనక ముద్రింపబడిందని సంతోషం రామలక్ష్మి గారికి.

ఆవిడ కథలలో నాకు నచ్చినవి నాకూ విశ్రాంతి కావాలి, ముక్తి, వెలి వంటివి. స్కాన్ చేసి త్వరలోనే మీ అభిప్రాయాల కోసం ఈ బ్లాగుకి చేరుస్తాను.

దీన్ని పంచుకోండి:

  • Tweet
  • మరిన్ని

దీన్ని మెచ్చుకోండి:

ఇష్టం వస్తోంది…

శ్రీపాద సుబ్రహ్మణ్యశాస్త్రి వ్యాసం 1928

23 గురువారం మే 2013

Posted by వివిన మూర్తి in పాత పత్రికలు, శ్రీపాద, Uncategorized

≈ 1 వ్యాఖ్య

ట్యాగులు

శ్రీపాద

జస్టిస్ పక్షము అన్నఈ వ్యాసం సమదర్శని 1928 వార్షిక సంచికలో వచ్చింది. ఉత్తర, దక్షిణ భారతాలలో బ్రాహ్మణ వర్ణస్తుల మధ్య ఉన్న తేడా గురించి శ్రీపాద వారి అభిప్రాయాలు నన్ను ఆలోచింపజేసాయి. కొన్ని ఏళ్లక్రితం భారతదేశంలో నా జైలు జీవితము అన్న పుస్తకం మేరీటేలర్ రాసారు. అది చదివినపుడు, ఇటీవల మంగళపాండే అనే చలనచిత్రం చూసినపుడు ఇదే అంశంపై ఆలోచనలు కలిగాయి. ఈ వ్యాసం చదివండి. ఈ విషయంపై ఆలోచించవలసినదుంటే ఆలోచిద్దాం. ఈ లంకెలో చూసి చదవండి
జస్టిస్

దీన్ని పంచుకోండి:

  • Tweet
  • మరిన్ని

దీన్ని మెచ్చుకోండి:

ఇష్టం వస్తోంది…

మనిషీ ఓ మనిషీ

23 గురువారం మే 2013

Posted by వివిన మూర్తి in వివిన రచనలు, Uncategorized

≈ వ్యాఖ్యానించండి

మనిషీ ఓ మనిషీ కథ రాయటానికి చాలా కాలం పట్టింది మామూలుగానే. యూరోపు దేశాలకు వెళ్లినపుడు వారి ఉన్నతి వలస దేశస్తులకి కంటబడుతుంది. దానికి కారణం వారు తమ దేశాలను గతంలో దోచుకోవటమేనన్న భావం సాధారణంగా కలుగుతుంది గదా! అదే రకమైన భావం మన వర్ణ వ్యవస్థ వల్ల అవమానితులూ, శోషితులూ అయినవారికి కలుగుతుంది గదా! దీనిని చెప్పటానికి లేదా పోల్చటానికి కథా ప్రయత్నం ఇది. నేనెంతవరకూ ఫెయిలయ్యాను? ఇది చెప్పటానికి మరో రూపం సూచించగలరా? ఈ లంకెలో చదివి చెప్పండిmanishi o manishi

దీన్ని పంచుకోండి:

  • Tweet
  • మరిన్ని

దీన్ని మెచ్చుకోండి:

ఇష్టం వస్తోంది…

ప్రస్తుతం నేను use and abuse of history అనే

11 శనివారం మే 2013

Posted by వివిన మూర్తి in Uncategorized

≈ వ్యాఖ్యానించండి

ప్రస్తుతం నేను use and abuse of history అనే పుస్తకం చదువుతున్నాను. చరిత్ర అంటే గతం. దాన్ని గుర్తుంచుకోటం మనిషి ఫ్రవృత్తి. దీని వలన మానవులం ఇప్పుడిలా అభివృద్ధి బాటలో ఉన్నాం అన్నది ఒక ఆలోచన. ఇప్పటికీ ఇలా తన్నుకుంటున్నాం అన్నది మరో ఆలోచన. జర్మన్ సాంప్రదాయ సాహిత్య దర్పణం అన్న పుస్తకం 30 ఏళ్ల క్రితం చదివాను. అది నా పై కలిగించిన ప్రభావంతో చరిత్రకి సంబంధించిన ప్రశ్నలు ఈ రెండు ఆలోచనలయాయి. 

దీన్ని పంచుకోండి:

  • Tweet
  • మరిన్ని

దీన్ని మెచ్చుకోండి:

ఇష్టం వస్తోంది…

ఇటీవలి టపాలు

  • కావాలి వేల కలాల నిఘా
  • ప్రాచీన హిందూగ్రామ పరిపాలనము
  • గిరీశం, ఎంకి, కాంతం, పార్వతీశం
  • ప్రాశ్చాత్య జ్ఞానాన్ని భద్రపరచిన ఇస్లాం
  • అచ్చుబాటు కాని చదువు

ఇటీవలి వ్యాఖ్యలు

అచ్చుబాటు కాని చదువు పై వివిన మూర్తి
అచ్చుబాటు కాని చదువు పై jvpssoma
కట్టమంచి రామలింగారెడ్డి గారి న… పై jvpssoma
తప్పెవరిది? శిక్ష ఎన్నెమ్మకా? పై వివిన మూర్తి
తప్పెవరిది? శిక్ష ఎన్నెమ్మకా? పై jvpssoma

భాండాగారం

  • జూలై 2022
  • జూన్ 2022
  • మే 2022
  • ఏప్రిల్ 2022
  • మార్చి 2022
  • ఆగస్ట్ 2021
  • జూలై 2021
  • ఆగస్ట్ 2020
  • జూలై 2020
  • జూన్ 2020
  • మే 2020
  • ఫిబ్రవరి 2020
  • మార్చి 2019
  • డిసెంబర్ 2018
  • ఆగస్ట్ 2018
  • జూలై 2018
  • మే 2018
  • మార్చి 2018
  • ఆగస్ట్ 2017
  • మార్చి 2017
  • జూన్ 2016
  • మార్చి 2016
  • ఫిబ్రవరి 2016
  • డిసెంబర్ 2015
  • అక్టోబర్ 2015
  • జూలై 2015
  • జూన్ 2015
  • మే 2015
  • ఏప్రిల్ 2015
  • మార్చి 2015
  • ఫిబ్రవరి 2015
  • జనవరి 2015
  • డిసెంబర్ 2014
  • నవంబర్ 2014
  • సెప్టెంబర్ 2014
  • ఆగస్ట్ 2014
  • జూలై 2014
  • జూన్ 2014
  • ఏప్రిల్ 2014
  • మార్చి 2014
  • ఫిబ్రవరి 2014
  • జనవరి 2014
  • డిసెంబర్ 2013
  • నవంబర్ 2013
  • అక్టోబర్ 2013
  • సెప్టెంబర్ 2013
  • ఆగస్ట్ 2013
  • జూలై 2013
  • జూన్ 2013
  • మే 2013

వర్గాలు

  • ఇతరుల కథలు
  • ఇతరుల వ్యాసాలు
  • కాళీపట్నం రామారావు
  • పాత పత్రికలు
  • వి రామలక్ష్మి రచనలు
  • వివిన కబుర్లు
  • వివిన రచనలు
  • శ్రీపాద
  • సినిమా నటులు
  • Uncategorized

మెటా

  • నమోదవ్వండి
  • లోనికి ప్రవేశించండి
  • టపాల ఫీడు
  • వ్యాఖ్యల ఫీడు
  • WordPress.com

వర్డ్‌ప్రెస్.కామ్‌లో బ్లాగండి.

Privacy & Cookies: This site uses cookies. By continuing to use this website, you agree to their use.
To find out more, including how to control cookies, see here: కుకీ విధానం
  • అనుసరించు అనుసరిస్తున్నారు
    • వివిన మూర్తి వెదుకులాట
    • మరో 36గురు చందాదార్లతో చేరండి
    • Already have a WordPress.com account? Log in now.
    • వివిన మూర్తి వెదుకులాట
    • అనుకూలపరచు
    • అనుసరించు అనుసరిస్తున్నారు
    • నమోదవ్వండి
    • లోనికి ప్రవేశించండి
    • ఈ విషయాన్ని నివేదించండి
    • సైటుని రీడరులో చూడండి
    • చందాల నిర్వహణ
    • ఈ పట్టీని కుదించు
%d bloggers like this: